Бір сынаған жаманды,
Екіншілей сынама…
Ермін деген жігітті,
Кеңшілікте сынама
The current query has no posts. Please make sure you have published items matching your query.
Ай, хан, мен айтпасам, білмейсің,
Айтқаныма көнбейсің.
Шабылып жатқан халқың бар,
Аймағын көздеп көрмейсің.
Қымыз ішіп қызарып,
Мастанып, қызып терлейсің,
Өзіңнен басқа хан жоқтай
Елеуреп неге сөйлейсің?!
Қорған салдың бейнет қып,
Қызметшің жатыр ішіп-жеп. …
Оны неге білмейсің?!
Қатын алдың қарадан,
Айрылдың хандық жорадан,
Ел ұстайтын ұл таппас,
Айрылар ата мұрадан!
Мұны неге білмейсің!?
Құладың құстың құлы еді,
Тышқан жеп жүнін түледі, —
Аққу — құстың төресі
Ен жайлап көлді жүр еді.
Аңдып жүрген көп дұспан
Елге жау боп келеді:
Құладын куды өлтірсе —
Өз басыңа келеді!
Құлың көп сені өлтірер,
Осыны Асан біледі,
Мұны неге білмейсің?!
…Тіл алсаң, іздеп қоныс көр,
Желмая мініп жер шалсам,
Тапқан жерге ел көшір,
Мұны неге білмейсің!?
…Ай, Жәнібек, ойласаң,
Қилы, қилы заман болмай ма,
Суда жүрген ақ шортан
Қарағай басын шалмай ма, —
Мұны неге білмейсің!?
Қош, аман бол, Жәнібек,
Енді мені көрмейсің!
Құйрығы жоқ, жалы жоқ — құлан қайтіп күн көрер,
Аяғы жоқ, қолы жоқ — жылан қайтіп күн көрер!?
Шыбын шықса жаз болып — таздар қайтіп күн көрер,
Жалаң аяқ балапан, қаздар қайтіп күн көрер!?
Екі Келес, бір Талас,
Бал татыған жерің-ай,
Ағайының аралас,
Тату екен елің-ай.
Желмаяға өңгертіп,
Алып кетер едім-ай,
Сыймаған соң алдыма,
Әттең, дүние, дедім-ай!-
Көлде жүрген қоңыр қаз,
Қыр қадірін не білсін?
Қырда жүрген дуадақ,
Су қадірін не білсін?
Ауылдағы жамандар,
Ер қадірін не білсін?
Көшіп-қонып жүрмеген,
Жер қадірін не білсін?
Көшсе қона білмеген,
Қонса көше білмеген,
Ақылына көнбеген,
Жұрт қадірін не білсін?
Жиналған ақпарат
1
Өсиет
493
1
Ғұлама
17
1
Өмірбаян
25
1
Мағына
Ғұламалар өмірбаяндары
Copyright © 2024 Ұлы дала өсиеті | Шымкент қаласы химия-биология бағыттағы Назарбаев Зияткерлік мектебі | Қазақ тілі мен әдебиеті әдістемелік бірлестігі